Parlament da la baselgia chantunala

Sesida dal Parlament da la baselgia chantunala 2027

Il Parlament da la baselgia chantunala sa raduna ils 27 d’october 2027 a Cuira.

Intervenziuns: pon vegnir inoltradas anticipadamain al post d’administrziun da la baselgia catolica per mauns da la direcziun dal parlament:

Incumbensas: il pli tard quater mais avant la sesida. En cass urgents basta l’inoltraziun il pli tard in mais avant, premess che la direcziun dal parlament decidia l’urgenza (art. 43 UF PBC).

Resoluziuns: il pli tard 30 dis avant la sesida, suttascrittas d’almain diesch commembras e commembers dal parlament (art. 45 UF PBC)

 

 

Il parlament da la baselgia chantunala è la legislativa da la Baselgia catolica dal Grischun. El decretescha las leschas e las ordinaziuns necessarias per ademplir las incumbensas da la Baselgia catolica dal Grischun. A medem temp ha il parlament da la baselgia chantunala la surveglianza suprema da l’administraziun generala e da l’administraziun da finanzas da la baselgia chantunala. El deliberescha ed approvescha il rapport annual da la suprastanza da la baselgia chantunala sco er il quint annual ed il preventiv. El sa cumpona:

  1. da dus delegads elegids da l’Ordinariat episcopal;
  2. dals commembers da la Regenza e dal Cussegl grond dal chantun Grischun da confessiun catolic-romana;
  3. da 60 delegadas e delegads dals cumins-baselgia che vegnan repartids sin ils circuls electorals en relaziun cun la populaziun catolica.
  4. da maximalmain diesch delegadas e delegads d’instituziuns e d’organisaziuns
    che na vegnan betg cuvridas suffizientamain cun las plaivs.

Il parlament da la baselgia chantunala sa raduna per regla ina giada l’onn l’atun. Las radunanzas èn publicas. Ils commembers dal parlament da la baselgia chantunala han il dretg d’inoltrar moziuns, postulats, interpellaziuns e dumondas en scrit tenor l’urden da gestiun dal Cussegl grond.

Il president ed il vicepresident dal parlament da la baselgia chantunala, ils trais dumbravuschs sco era la presidenta ed il vicepresident da la cumissiun da gestiun furman il biro dal parlament da la baselgia chantunala. Il biro prepara las elecziuns dal parlament da la baselgia chantunala, elegia la cumissiun predeliberanta necessaria per las fatschentas dal parlament da la baselgia chantunala e decida davart il tractament e l’urgenza d’intervenziuns dals commembers dal parlament da la baselgia chantunala.

Las delegadas ed ils delegads dals cumins-baselgia 2026/30

Glista da las delegadas e dals delegads dals cumins baselgia 2026-2030

Glista dals delegads episcopals 2026-2030

Commembers da la Regenza e dal Cussegl grond dal chantun Grischun durant la perioda d’uffizi 2026/30

Glista dals commembers dal Cussegl grond 2026-2030

Instituziuns ed Organisaziums

Glista da las instituziuns ed organisaziuns 2026-2030

Biro dal parlament da la baselgia chantunala durant la perioda d’uffizi 2026/28 resp. 2026/30

Gaby Ulber

president
Lantsch/Lenz

Mario Cortesi

vicepresident
Chur

Beat Sax

actuar
Chur

Regula Schnüriger

dumbravuschs
Chur

Albert Spescha

Albert Spescha

dumbravuschs
Pigniu

Ruth Steidle

Ruth Steidle

dumbravuschs
St. Moritz

Robert Willi

president da la cumissiun da gestiun
Chur

Andrea Zanolari

Andrea Zanolari

vicepresident da la cumissiun da gestiun
Poschiavo