L’Uffizi per l’execuziun giudiziala dal chantun Grischun ha concludì cun las duas Baselgias chantunalas ina cunvegna davart la purschida da servetschs da la pastoraziun en las praschuns dal chantun Grischun (Cazis Tignez e Realta).
La purschida da la pastoraziun en praschun sa drizza en ina tenuta cristiana als collocads ed al persunal entaifer ed ordaifer ils stabiliments per l’execuziun giudiziala, independentamain da lur appartegnientscha u persvasiun religiusa. La pastoraziun en praschun porscha agid per schliar problems, surtut en vista a dumondas davart il senn, la culpa e la cardientscha. Ella sustegna la reparaziun en connex cun ils delicts commess en il senn d’ina confruntaziun cun quai ch’è capità; quai fa ella a basa da la chapientscha teologica ed etic-morala. Las persunas collocadas duain survegnir sustegn per dumagnar meglier la situaziun dad «esser serrà en».
La cumissiun administrativa ha engaschà per questa incumbensa sora Veronika Ebnöther.
Sr. Veronika Ebnöther
spirituala da praschun