La lavur da baselgia a favur dals giuvenils

Furmaziun

  • porscher pussaivladads da perfecziunament a spiritualas e spirituals ed ad assistentas ed assistents da giuvenils;
  • organisar dis da furmaziun davart temas actuals en collavuraziun cun auters posts spezialisads per la lavur cun giuvenils en il chantun Grischun;
  • offrir curs da basa e da cuntinuaziun per responsablas e responsabels da giuvenils;
  • realisar occurrenzas da perfecziunament per catechetas e catechets, assistentas ed assistents da giuvenils, plevons ed ulteriuras persunas interessadas

Cussegliaziun

  • cussegliar cussegls administrativs da las plaivs, suprastanzas dals cumins-baselgia, cumissiuns da giuvenils, responsablas e responsabels da giuvenils, catechetas e catechets, spiritualas e spirituals ed autras persunas participadas al svilup da la lavur da baselgia a favur dals giuvenils;
  • porscher cussegliaziun speziala e pratica a collavuraturas e collavuraturs che s’engaschan en uffizi cumplain ed en uffizi accessoric a favur dals giuvenils

Agid da structura

  • far referats en ils differents cumins-baselgia u en las regiuns sco impuls per sviluppar u extender la lavur a favur dals giuvenils;
  • sustegnair las plaivs, las regiuns ed ils decanats che vulan activar la lavur da baselgia a favur dals giuvenils, surtut per sviluppar structuras e concepts adattads per crear posts regiunals en il sectur da la lavur da baselgia a favur dals giuvenils

Raits

  • crear raits tranter las persunas activas en la lavur a favur dals giuvenils;
  • crear raits tranter la lavur da giuvenils catolica e quella evangelica sco era la lavur da giuvenils averta;
  • crear raits cun l’Uniun da las spiritualas e dals spirituals da giuvenils da la Svizra tudestga (JUSESO)

Activitads da singuls cumins-baselgia

Ils suandants cumins-baselgia e las suandantas plaivs infurmeschan sin lur pagina-web davart lur lavur a favur dals giuvenils:

Ultra da quai datti en differentas vischnancas champs da la plaiv per uffants e giuvenils. Las manadras ed ils manaders s’engaschan per gronda part en uffizi d’onur.

Lavur a favur dals giuvenils en uniuns

La lavur da giuvenils organisada en uniuns exista en quatter lieus en il Grischun. A Glion datti ina riga verda, a Domat ina riga verda ed ina riga blaua, a Cuira ina secziun da la riga verda e blaua ed ina partiziun catolica da battasendas ed a Landquart ina secziun da la riga verda e blaua.

En blers lieus vegn la lavur da giuvenils realisada en collavuraziun cun la vischnanca politica. Ils cumins-baselgia fan per il solit part d’ina cumissiun da gestiun e sustegnan la lavur da giuvenils finanzialmain.

Dapi il 2005 datti la Federaziun tetgala da la promoziun da giuvenils e d’uffants dal Grischun che maina il post spezialisà jugend.gr. Quella collavura cun il Post per la lavur da baselgia a favur dals giuvenils ed il Post spezialisà per la lavur da giuvenils da la Baselgia refurmada dal Grischun. Uschia pon ins nizzegiar en blers lieus las sinergias.

 

Eric Petrini

Tel +41 (0)81 254 36 05
jugendarbeit@gr.kath.ch