INSTRUCZIUN DA RELIGIUN

Instrucziun da religiun en las scolas popularas dal Grischun

Il rom religiun fa part da l’incumbensa da furmaziun cumplessiva da la scola. La furmaziun religiusa ed etica intermediescha als uffants e giuvenils tge ch’i vul dir d’agir cun responsabladad envers sasez e la societad. Quai succeda cun promover in pensar critic ed in giudicament autonom e cun intermediar las valurs e las basas d’in agir etic.

Cun realisar en las scolas popularas l’uschenumnà model 1+1 surpiglia il chantun Grischun ina lecziun obligatorica l’emna dal rom «etica, religiuns e cuminanza», entant che las Baselgias èn responsablas per ina lecziun instrucziun da religiun l’emna per ils agens commembers.

Documents:

  • documents per realisar il model 1+1
  • plan d’instrucziun da religiun per las scolas popularas dal chantun Grischun

Instrucziun da religiun e catechesa

L’instrucziun da religiun en scola serva surtut ad intermediar la basa da savida da la cardientscha; la catechesa percunter metta l’accent sin l’introducziun e l’experientscha en la vita ecclesiastica da la cuminanza. Sin fundament dal model 1+1 vegn la catechesa organisada en il futur pli savens ordaifer la scola, damai en las plaivs ed ils cumins-baselgia. Quella cumpiglia la preparaziun dals sacraments e divers projects da la socialisaziun ecclesiastica.

Il maletg directiv da la catechesa è suttamess a midadas culturalas

La Conferenza dals ordinaris da la Svizra tudestga ha publitgà il mars 2009 in maletg directiv da la catechesa.

  • maletg directiv da la catechesa

Perfecziunaments per scolastas e scolasts da religiun

chalender d’occurrenzas

Garanzia da la qualitad en las plaivs

Il sectur spezial da l’instrucziun da religiun examinescha che las directivas davart l’instrucziun da religiun vegnian realisadas e che las prescripziuns legalas vegnian resguardadas. El è responsabel per la surveglianza e la visitaziun da l’instrucziun da las scolastas e dals scolastas da religiun ch’ils cumins-baselgia catolics han engaschà.

Cussegliaziun per ils cumins-baselgia e las persunas d’instrucziun

Il sectur spezial da l’instrucziun da religiun è il post da consultaziun per ils cumins-baselgia e las persunas d’instrucziun en connex cun dumondas organisatoricas davart l’instrucziun da religiun. El porscha p.ex. sustegn en cas da dumondas davart la realisaziun dal model 1+1, occupaziuns da plazzas, problems disciplinars e sortidas. Er ils geniturs pon sa drizzar al sectur spezial en cas da dumondas davart l’instrucziun.

Marion Hilber

Leitung Fachbereich Religionsunterricht

081 254 36 09
religionsunterricht@gr.kath.ch

Mail Marion Hilber