La pastoraziun da migrants s’occupa da l’accumpagnament pastoral dals commembers da la Baselgia d’autras culturas e regiuns linguisticas. La Baselgia catolica dal Grischun sustegna en il rom da sias pussaivladads la pastoraziun da migrants e las stentas pastoralas d’integrar ils concristians d’autras linguas e culturas domiciliads en il chantun Grischun.
La Baselgia catolica dal Grischun sa participescha finanzialmain a
- la Missiun croata GR/SG
- la Missiun portugaisa GR/SG
- la Missiun albanaisa da la Svizra Orientala
- la Missione cattolica italiana dei Grigioni del Nord
Tar la Missiun croata e la Missiun portugaisa è la Baselgia catolica dal Grischun era responsabla per l’administraziun e l’engaschament dal missiunari. Per la pastoraziun è responsabel il vicari general per il Grischun.
Ils missiunaris stattan gugent a Vossa disposiziun.