La pastoraziun en las clinicas

La pastoraziun en las clinicas e chasas da tgira

La Baselgia catolica dal Grischun è incumbensada dals Servetschs psichiatrics dal Grischun cun la pastoraziun catolica en las clinicas Beverin e Waldhaus. Il vicari general per il Grischun è responsabel per l’organisaziun e la qualitad da la pastoraziun e la Baselgia catolica dal Grischun per l’engaschament dal spiritual.

Il spiritual da clinica sustegnan ed accumpogna las pazientas ed ils pazients sco er ils confamigliars en discurs e dat era spazi per discutar dumondas religiusas e spiritualas. El stat er a disposiziun al persunal. Las incumbensas dal spiritual da clinica cumpiglian era l’administraziun dals sacraments sco la communiun, l’uncziun dals malsauns, la penetienzia ed il batten.

Ils servetschs divins en la clinica Beverin a Cazas han lieu mintga sonda u dumengia a las 10.00.
Ils servetschs divins en la clinica Waldhaus a Cuira han lieu mintga emprima e terza dumengia ed ils firads a las 10.30.
Ils servetschs divins èn publics.

Sche Vus giavischais ina visita, stat noss spiritual da clinica gugent a Vossa disposiziun.

Infurmaziun: www.pdgr.ch

Dieter Kaufmann

plevon Dieter Kaufmann

telefonin 078 967 36 14

Katholische Landeskirche Graubünden