Ulteriurs secturs

Scolaziun da musica sacrala en il Grischun (MUSAGR)

La MUSAGR porscha a basa interconfessiunala ina scolaziun fundamentala da musica sacrala per collavuraturas e collavuraturs emploiads e voluntars da la Baselgia catolic-romana ed evangelic-refurmada sco era da lur cumins-baselgia. La Baselgia catolica dal Grischun è represchentada en l’uniun purtadra.

www.kimugr.ch

Uniun dal Fegl parochial dal Grischun

L’intent dal Fegl parochial dal Grischun è d’edir in fegl parochial chantunal. Il Fegl parochial dal Grischun è ina plattafurma d’infurmaziuns per las plaivs ed ils cumins-baselgia che permetta da discutar a moda independenta, imparziala ed objectiva temas e svilups relevants per la Baselgia catolic-romana. Da l’uniun fan part 29 cumins-baselgia che publitgeschan lur infurmaziuns en la part interna dal Fegl parochial dal Grischun. Per la part exteriura è responsabla ina cumissiun da redacziun ensemen cun la redactura. Finanzià vegn il Fegl parochial dal Grischun cun ils abunaments dals cumins-baselgia sco era cun ina contribuziun annuala da la Baselgia catolica dal Grischun.

Il Fegl parochial dal Grischun cumpara mintga mais e po vegnir retratg da persunas privatas per in pretsch d’abunament da fr. 30.00/onn.

Persunas interessadas pon s’annunziar qua:

Uniun dal Fegl parochial dal Grischun
Via la Val 1b
7013 Domat
t +41 (0)81 633 13 93
finanzen@pfarreiblatt-gr.ch


Katholische Landeskirche Graubünden