Purtret/incumbensa

L’incumbensa da la Baselgia catolica dal Grischun

La Baselgia catolica dal Grischun è ina corporaziun da dretg public. Ella reglescha las relaziuns dal dretg da la baselgia chantunala da la part catolica dal chantun Grischun, resguardond las leschas da la Baselgia catolic-romana e da la Constituziun chantunala. Ella sustegna e promova en il rom da ses basegns e sias pussaivladads ils interess da la Baselgia catolic-romana en il chantun Grischun.

Per ademplir questa incumbensa la stattan a disposiziun exclusivamain las entradas da las taglias da cultus. La Baselgia catolica dal Grischun

  • porscha als cumins-baselgia ed a las plaivs in post da consultaziun per ils suandants secturs spezials: la scolaziun ForModula, l’instrucziun da religiun, la catechesa da la plaiv, la lavur da baselgia a favur dals giuvenils, la mediateca da baselgia e la cussegliaziun per dumondas da lètg, famiglia e vita;
  • paja contribuziuns finanzialas annualas als cumins-baselgia;
  • conceda contribuziuns als custs dals cumins-baselgia per edifizis novs, transfurmaziuns e renovaziuns da baselgias, chapluttas ed era per las localitads da la plaiv che servan a la pastoraziun;
  • finanziescha il Post spezialisà per la pastoraziun d’umans cun impediments en il chantun Grischun;
  • cofinanziescha la pastoraziun en l’Ospital chantunal dal Grischun, la pastoraziun en las chasas da tgira ed en las clinicas Beverin e Waldhaus sco era la pastoraziun en las praschuns Sennhof e Realta;
  • cofinanziescha diversas pastoraziuns da migrants;
  • paja contribuziuns ad organisaziuns catolicas chantunalas;
  • sustegna diversas lavurs regiunalas a favur dals giuvenils;
  • sustegna ovras socialas e caritativas;
  • conceda ina contribuziun finanziala a l’ediziun dal Fegl parochial dal Grischun;
  • cofinanziescha la scolaziun da musica sacrala en il Grischun (MUSAGR);
  • gida a finanziar posts spezialisads e projects diocesans e svizzers;
  • approvescha ils decrets dals cumins-baselgia.