La pastoraziun en l’ospital

La pastoraziun en l’Ospital chantunal dal Grischun vegn purtada da la Baselgia catolica dal Chantun Grischun, dal cumin-baselgia da Cuira e dal vicariat general per il Grischun. Ultra da la baselgia chantunala e dal cumin-baselgia da Cuira sa participeschan l’ospital chantunal ed ils cumins-baselgia da la regiun d’ospital da la Val dal Rain da Cuira als custs da la pastoraziun catolica en l’ospital.

Ils spirituals d’ospital sustegnan ed accumpognan las pazientas ed ils pazients sco er ils confamigliars en discurs e dattan era spazi per discutar dumondas religiusas e spiritualas. Els stattan er a disposiziun al persunal. Las incumbensas dals spirituals d’ospital cumpiglian era l’administraziun dals sacraments sco la communiun, l’uncziun dals malsauns, la penetienzia ed il batten.

La dumengia en damaun vegn celebrà mintgamai in servetsch divin catolic en la chaplutta da l’Ospital chantunal dal Grischun, dal qual pon prender part ils pazients, il persunal ed autras persunas interessadas.

Sche Vus giavischais ina visita, stattan noss spirituals d’ospital gugent a Vossa disposiziun.

Infurmaziun: www.ksgr.ch/seelsorge

Dieter Kaufmann

plevon Dieter Kaufmann

t 081 256 68 15
telefonin 078 967 36 14
dieter.kaufmann@ksgr.ch

Ivana Walser

Ivana Walser

spirituala d’ospital catolica
t  081 256 68 15
ivana.walser@ksgr.ch

Katholische Landeskirche Graubünden