La scolaziun ForModula

Curs da catechesa tenor ForModula

ForModula è il sistem da scolaziun per las scolastas ed ils scolasts da religiun sco era per las assistentas ed ils assistents da giuvenils da la baselgia catolica da la Svizra tudestga.

ForModula permetta da …

  • render il sistem da scolaziun ecclesiastic pli flexibel, transparent e permeabel;
  • meglierar la renconuschientscha vicendaivla da qualificaziuns, perquai che las cumpetenzas daventan pli cumparegliablas;
  • metter a disposiziun singuls moduls er a catechetas e catechets da professiun sco perfecziunament;
  • preparar las catechetas ed ils catechets futurs per las pretensiuns da la professiun en mira e d’intermediar las cumpetenzas mancantas a moda sistematica.

» infurmaziuns davart la scolaziun ForModula

Structura e durada

La scolaziun ForModula è repartida en moduls obligatorics, moduls d’elecziun obligatorics e moduls facultativs.
In modul consista dad 80 fin 180 uras totalas d’emprender che cumpiglian sper ils dis da curs sco tals er il studi autodidactic e la lavur da project. La scolaziun dura 2 ½ fin 5 onns, tut tenor la quantitad dals moduls frequentads parallelamain.

La survista dals moduls, era dals moduls offerts d’auters posts spezialisads, chattais Vus sin la pagina-web da ForModula.

Gruppa en mira

Las purschidas da curs sa drizzan en emprima lingia a dunnas ed umens catolics dal chantun Grischun che fan gia lavur catechetica u che vulan far quai da nov. Plazs libers pon era vegnir occupads d’autras persunas interessadas.

Premissas

  • enconuschientschas dal tudestg suffizientas
  • scolaziun professiunala terminada u experientschas equivalentas
  • interess per il mund da viver dals uffants e giuvenils
  • relaziun averta ed engaschada cun la Baselgia e la plaiv
  • resistenza psichica e fisica

Premissas specificas èn menziunadas en la publicaziun dals curs.

Survista dal curs da catechesa

Moduls obligatorics
Modul 02 pedagogia da religiun e didactica (100) descripziun dal modul
Modul 03 princips da la teologica biblica «Bibel verstehen» (180) flyer
Modul 04 princips da l’existenza cristiana «Gott und Welt verstehen» (180) flyer
Modul 14 concepir la liturgia (100)
Modul 15 concepir process spirituals (80)
Modul 24 lavurar a moda catechetica cun creschids (75)
Modul 35 viver e lavurar en la Baselgia (100) descripziun dal modul
Modul 36 examen final (80) descripziun dal modul

Moduls d’elecziun obligatorics
Modul 06 catechesa stgalim bass (120)
Modul 08 catechesa stgalim mesaun (120)
Modul 10 catechesa stgalim aut (120)
Modul 18 introducziun en ils sacraments: reconciliaziun (80)
Modul 19 introducziun en ils sacraments: eucaristia (80)
Modul 20 introducziun en ils sacraments: craisma (80)

Ils dumbers en parantesa inditgeschan il temp d’emprender en uras pro modul.

Ils moduls 03 e 04 duessan en il cas ideal vegnir terminads avant ils auters moduls.

Broschura d’infurmaziun davart il curs da catechesa
Survista dals moduls 2017-2020
Formular d’annunzia per ils moduls

Instrucziun da religiun u catechesa?

L’instrucziun da religiun en scola, responsada da las Baselgias, po esser ecumenica u confessiunala. La basa per l’instrucziun da religiun furma il plan d’instrucziun da religiun ecumenic per las scolas popularas dal Grischun.
En l’instrucziun da religiun ed en la catechesa pon ils uffants e giuvenils

  • reflectar davart lur vita e davart Dieu ed approfundar lur cardientscha;
  • parter in cun l’auter muments da plaschair, tristezza e da consternaziun;
  • discurrer davart dumondas, temas e desideris;
  • tadlar istorgias biblicas e survegnir forza e fidanza tras quellas;
  • urar, festivar e gidar a concepir l’onn ecclesiastic;
  • vegnir preparads per ils sacraments e sentir la cuminanza da la baselgia;
  • vegnir famigliarisads cun ils cuntegns da la cardientscha da la baselgia.

Film curt davart la professiun da la catecheta

Garanzia da la qualitad

Per la garanzia da la qualitad da la scolaziun è responsabel il sectur spezial. Cun evaluar regularmain ils moduls e las occurrenzas d’emprender, analisar ils resuns sco era far controllas periodicas sviluppescha el vinavant cuntinuadamain ils moduls.
Grazia al process da certificaziun dad EduQua e l’accreditaziun tras il post da coordinaziun da ForModula è garantida ultra da quai ina controlla externa e l’observaziun dals standards formals e tematics da la furmaziun da creschids e da las directivas da ForModula.

Cussegliaziun ed accumpagnament

Las situaziuns en las classas da scola u en la plaiv pon era procurar per problems e conflicts: ina cumposiziun d’ina classa chaschuna fastidis; las scolaras ed ils scolars han bregia da chapir in tema; ils scolasts, collegas u plevons na vulan betg collavurar, etc. Malgrà la meglra furmaziun preliminara ed in grond engaschi vegnan las catechetas ed ils catechets mintgatant a lur cunfins. En tals muments èsi spezialmain impurtant ch’i dettia collegas che pon dar cussegls professiunals ed umans.

Menturas scoladas aposta per quest intent pon vegnir consultadas per ina cussegliaziun individuala u per dumondas davart la planisaziun e l’organisaziun da l’instrucziun.
Per ulteriuras infurmaziuns e l’intermediaziun As drizzai per plaschair al secretariat dals secturs spezials, tel. 081 254 36 00 u e-mail

Paolo Capelli

Paolo Capelli

manader dals secturs spezials ForModula, teolog
t +41 (0)81 254 36 00
paolo.capelli@gr.kath.ch

Angela Capelli

Angela Capelli

scolasta
t 081 254 36 00
angela.capelli@gr.kath.ch

Marianne Joos-Frei

catecheta
T +41 (0)81 254 36 00
marianne.joos@gr.kath.ch

Katholische Landeskirche Graubünden