La catechesa da la plaiv

Cun il term «catechesa» è manegià il servetsch che la Baselgia porscha per intermediar il messadi cristian. Catechesa en in senn pli vast cumpiglia tut las modas da proclamar la cardientscha.
En in senn pli stretg signifitga catechesa las situaziuns d’instruir e d’emprender per intermediar la cardientscha.
La catechesa da la plaiv promova la creaziun da la plaiv sur las generaziuns ora, vivifitgescha la cardientscha e gida a sa sentir dachasa en la Baselgia.

Cun l’uschenumnà model 1+1 surpiglia il chantun Grischun la responsabladad per ina lecziun l’emna «etica, religiuns, cuminanza» (1). Las Baselgias responseschan en las scolas popularas vinavant ina lecziun instrucziun da religiun ad emna (+1). Grazia al model 1+1 vegnan ils cumins-baselgia distgargiads d’ina part da l’instrucziun da religiun da fin qua. Las Baselgias chantunalas recumondan d’assegnar ils daners «spargnads» tras las lecziuns da religiun scrudadas a favur da projects existents u novs projects da la catechesa da la plaiv (+X).

Champs d’incumbensa da la catechesa da la plaiv: +X

La lavur pedagogic-religiusa pon ademplir tut tenor il gener dal project catechetas/catechets, assistentas/assistents da giuvenils, plevons u teologas/teologs u in team da las persunas numnadas. La realisaziun concreta sto dentant vegnir examinada separadamain da mintga plaiv. Il cussegl da baselgia po dumandar il plevon, il team da pastoraziun ed il cussegl administrativ da la plaiv d’elavurar in concept correspundent. Igl è impurtant d’integrar en il process tenor pussaivladad er ils uffants e giuvenils.

Ideas per projects

vita en la plaiv

  • champ da la plaiv
  • inscunter cun ils umans dal lieu
  • projects che collian tut las generaziuns
  • participaziun activa ad occurrenzas da la plaiv (festa da la plaiv)
  • projects liturgics

preparaziun extrascolara per ils sacraments

  • via/viadi a la craisma
  • via a l’emprima communiun
  • via a la reconciliaziun

diaconia

  • engaschis socials al lieu
  • inscunters
  • projects en connex cun l’ambient
  • projects da la missiun

excursiuns

  • locals da la Baselgia: catedrala, Hohen Rätien, Glion, Mistail, Ziràn, Ziteil, …
  • claustras: Mustér, Cazas, Müstair, Poschiavo, Nossadunnaun, …
  • citads e lieus da pelegrinadi: Roma, Assisi, Lourdes, …
  • viadis tematics: Flüeli-Ranft, Chasa da las religiuns a Berna, senda tematica biblica per velocipedists, senda da reflexiun davart Jesus a Naturns, …

occurrenzas

  • inscunters regiunals e naziunals da la giuventetgna
  • inscunter mundial da la giuventetgna
  • inscunters ecumenics da Taizé

spiritualitad

  • sendas da viandar spiritualas
  • pussaivladads da giudair il silenzi e la natira
  • bibliodrama, parter la Bibla
  • meditaziuns

cultura

  • emna culturala per giuvenils
  • exposiziuns
  • viadi cultural
  • occurrenzas interculturalas
  • films, teaters
  • concerts (musica e religiun)

Mussavia 1+1+X (2014)

Maletg directiv da la catechesa

Claude Bachmann

Claude Bachmann

pedagog da religiun dipl.
t +41 (0)81 254 36 05
claude.bachmann@gr.kath.ch

Katholische Landeskirche Graubünden